खडकी ता.नगर येथे उद्यापासून अखंड हरिनाम सप्ताह व ज्ञानेश्वरी पारायण सोहळा…

नामवंत किर्तनकार गुंफणार सप्ताहाची पुष्पे..

“रुईछत्तिशी – (देविदास गोरे )

नगर तालुक्यातील खडकी येथे श्रावणी सप्ताहास उद्यापासून सुरुवात होत आहे.सालाबादप्रमाणे बाळु महाराज भोंदे , पंढरीनाथ महाराज देवकर व जंगले महाराज शास्त्री यांच्या आशीर्वादाने व अंकुश महाराज कोठुळे यांच्या मार्गदर्शनाखाली सप्ताहाची सुरुवात होत आहे. काकडा भजन , ज्ञानेश्वरी पारायण , भागवत कथा , हरिपाठ असे धार्मिक कार्यक्रम रंगणार आहेत.रात्री ०७ ते ०९ या वेळेत भाऊसाहेब महाराज गट , नवनाथ महाराज माशेरे , ज्ञानेश्वर माऊली कदम , ईश्वर महाराज नवसुपे , अमित महाराज धाडगे , ज्ञानेश्वर महाराज खामकर , संजय महाराज शितोळे , वासुदेव महाराज खेडकर यांची किर्तने होणार आहेत. किर्तन संपल्यानंतर दररोज महाप्रसादाचे आयोजन करण्यात आले आहे , सर्वांनी या धार्मिक सोहळ्याचा लाभ घ्यावा असे आवाहन सप्ताह समितीच्या वतीने करण्यात आले आहे.

   खेडकर महाराज यांच्या सुंदर भागवत कथेचे निरुपण होणार आहे. महादेव महाराज व्यासपीठ चालक असणार आहेत.खडकी गावातील हा एक मोठा धार्मिक सोहळा असल्याने गावातील सर्व नागरिक मोठया संख्येने या कार्यक्रमास उपस्थित असतात.नागपंचमीच्या शुभ मुहूर्तावर हा सप्ताह सुरु होत असल्याने गावात पूर्णपणे भक्तिमय वातावरण निर्माण झाले आहे.