गोगांव तंटामुक्त अध्यक्षपदी नितीन चव्हाण यांची बिनविरोध निवड
( सरपंच वनिता सुरवसे यांच्या हस्ते नूतन अध्यक्षाचा सत्कार )
अक्कलकोट : महात्मा गांधी तंटामुक्तच्या गोगांव अध्यक्षपदी नितीन चव्हाण यांची बिनविरोध सर्वानुमते निवड करण्यात आली.
गोगांव येथील ग्रामपंचायतीची ग्रामसभा ग्रामपंचायत प्रांगणात सरपंच वनिता सुरवसे यांच्या अध्यक्षतेखाली घेण्यात आली. यावेळी उपसरपंच कमलाकर सोनकांबळे , ग्रामपंचायत सदस्य लक्ष्मण बिराजदार, महादेवी होळे, ललिता कलशेट्टी, ग्रामसेवक विक्रम घाटे, यांच्या प्रमुख उपस्थितीत घेण्यात आली.
या सभेत महात्मा गांधी तंटामुक्त अध्यक्षपदी श् नितीन चव्हाण यांची सर्वानुमते बिनविरोध निवड करण्यात आली . सरपंच वनिता सुरवसे यांनी नूतन तंटामुक्त अध्यक्ष यांचा सत्कारकरून शुभेच्छा दिल्या. प्रारंभी ग्रामसभेचे सचिव ग्रामसेवक विक्रम घाटे यांनी मागील सभेचा इतिवृत्तांत वाचून सांगितले व सभे पुढील विषय वाचले . यावेळी ग्रामस्थांनी विविध विषयाच्या चर्चेमध्ये सहभाग घेतला.यावेळी डॉ निगराज नडगेरी, कृषी अधिकारी शिरगापुरे, माजी तंटा मुक्त अध्यक्ष सुर्यकांत जीरगे, व ग्रामपंचायत सदस्य, महिला सदस्य या सह बहुसंख्य ग्रामस्थ उपस्थित होते. शेवटी आभार सचिव विक्रम घाटे यांनी आभार मानले.
