अकोळनेर येथे रंगणार दहीहंडीचा थरार

मुंबई येथील गोंविदा पथक दहीहंडी फोडणार

 नगर ब्रेकींग न्यूज -गोपाळ काला दहीहंडी निमित्त अकोळनेर येथे दहीहंडी च्या कार्यक्रमाचे  भव्य असे आयोजन करण्यात आले आहे. दहीहडी फोडण्यासाठी मुंबई येथील गोंविदा पथक येणार आहे.पिंकीचा विजय असो या मालिकेतील फेम अभिनेत्री शरयू सोनवणे प्रमुख आकर्षण असणार आहे. अशी माहिती सरपंच प्रतिक शेळके यांनी दिली आहे.

अकोळनेर ( ता.नगर ) हे गाव प्रतिक शेळके सरपंच झाल्यापासून चांगलेच चर्चेत आले आहे.  शेळके यांनी दोन वर्षात विविध सामाजीक, धार्मीक, मनोरजांनाचे कार्यक्रमाचे आयोजन केले आहे. गावात विविध विकास कामाचा धुमधुडाका सुरू आहे. गावातील ग्रामस्थ माहिला यांना दहीहंडी उत्सव पाहता यावा यासाठी भव्य अशा दहीहंडीचे नियोजन केले आहे. उत्सव साजरा करण्याचे हे दुसरे वर्ष आहे. हा सोहळा पाहण्यासाठी महिलांची मोठी गर्दी झाली होती. या वर्षी दहीहंडी सोहळा पाहण्यासाठी येणाऱ्या महिलांसाठी चक्क लकी ड्रॉ चे आयोजन केले आहे. विजेत्या दहा महिलांना तुळशी वृंदावन दिले जाणार आहे. तरी जास्तीत जास्त माहिलांनी या सोहळ्यास सहभागी व्हावे असे अवाहन सरपंच प्रतिक शेळके यांनी केले. या सोहळ्यासाठी खासदार डॉ. सुजय विखे पाटील, माजी आमदार शिवाजी कर्डीले, आमदार संग्राम जगताप उपस्थित राहणार आहे.