रेणाविकार विद्यालयाचे यश

शालेय जिल्हास्तरीय मनपा हँडबॉल स्पर्धेत विजयी

दोन्ही संघांची विभागीय हँडबॉल स्पर्धेसाठी निवड

अहमदनगर – शालेय जिल्हास्तरीय मनपा हँडबॉल स्पर्धेत मएसो रेणावीकर माध्यमिक विद्यालयाचा 14 वर्षे वयोगटातील मुलांचा व मुलींचा संघ विजयी झाला आहे. 14 वर्षे मुलांचा शालेय हँडबॉलचा अंतिम सामना मएसो रेणावीकर माध्यमिक विद्यालयाविरुद्ध ज्ञानसंपदा इंग्लिश मिडियम स्कूल असा झाला. मएसो रेणावीकर माध्यमिक विद्यालय, अहमदनगर हा संघ 2 गोलांनी विजयी झाला.

त्याचबरोबर शालेय हँडबॉलमध्ये 14 वर्षे वयोगटात मएसो रेणावीकर माध्यमिक विद्यालय अहमदनगर हा मुलींचा संघ अंतिम सामन्यात विजयी झाला. विजयी संघातील खेळाडूंना ज्येष्ठ क्रीडा शिक्षक राजेश भालसिंग, क्रीडा शिक्षिका तडवी, सतीश शिंदे यांचे मार्गदर्शन लाभले.

प्रशालेचे मुख्याध्यापक सायसिंग वसावे, प्रशालेच्या शाला समिती अध्यक्षा  आनंदी पाटील व शाळा समितीचे  सुधीर भोसले यांनी सर्व खेळाडूंचे व मार्गदर्शक शिक्षकांचे अभिनंदन केले आहे. हँडबॉल शालेय जिल्हास्तरीय स्पर्धेतून प्रशालेचा मुलांचा व मुलींचा संघ विभागीय स्पर्धेसाठी पात्र ठरला.