नवनागपूर जिल्हा परिषद गटाला सक्षम महिला नेतृत्वाची गरज – ऋतुजा जालिंदर कदम

नवनागपूर जिल्हा परिषद गटाला सक्षम महिला नेतृत्वाची गरज – ऋतुजा जालिंदर कदम
नवनागपूर जिल्हा परिषद गटात आज विकासकामे मार्गी लावण्यासाठी तसेच सर्वसामान्य नागरिकांचे प्रश्न प्रभावीपणे मांडण्यासाठी सक्षम, अभ्यासू आणि सुशिक्षित महिला नेतृत्वाची नितांत गरज असल्याचे मत सामाजिक व राजकीय वर्तुळातून व्यक्त होत आहे. विशेषतः महिला, बालके, शेतकरी आणि युवकांचे प्रश्न समजून घेऊन त्यावर ठोस उपाययोजना करणारे नेतृत्व आज काळाची गरज बनले आहे, असे प्रतिपादन ऋतुजा जालिंदर कदम यांनी केले आहे.
ग्रामीण भागातील महिला या घर, शेती, पाणी, आरोग्य, शिक्षण अशा अनेक आघाड्यांवर जबाबदारी सांभाळत असतात. मात्र त्यांच्या समस्या अनेकदा निर्णयप्रक्रियेपासून दूर राहतात. अशा परिस्थितीत जिल्हा परिषदेसारख्या महत्त्वाच्या संस्थेत सुशिक्षित आणि अभ्यासू महिला प्रतिनिधी असणे अत्यंत आवश्यक आहे. महिला नेतृत्व केवळ महिलांचेच नव्हे तर संपूर्ण कुटुंब आणि समाजाच्या विकासाचा विचार करते, असे मत ऋतुजा कदम यांनी व्यक्त केले.
नवनागपूर गटातील अनेक गावांमध्ये पाणीटंचाई, आरोग्य सुविधांचा अभाव, मुलींच्या शिक्षणातील अडथळे, महिला आरोग्याचे प्रश्न तसेच स्वयंसहायता गटांना पुरेसे पाठबळ न मिळणे यांसारख्या समस्या आजही गंभीर आहेत. या प्रश्नांवर सातत्याने पाठपुरावा करण्यासाठी प्रशासनाची जाण, अभ्यास आणि जिद्द आवश्यक असून ती महिला नेतृत्वाकडे प्रभावीपणे दिसून येते, असे त्यांनी सांगितले.
“महिला प्रतिनिधी केवळ निवडणुकीपुरती भूमिका बजावत नाही, तर ती प्रत्येक कुटुंबाच्या सुख-दुःखाशी स्वतःला जोडते. योजनांचा अभ्यास करून त्या प्रत्यक्षात महिलांपर्यंत पोहोचवण्याचे काम महिला नेतृत्व अधिक परिणामकारकपणे करू शकते,” असे ऋतुजा कदम यांनी स्पष्ट केले.
महिला सक्षमीकरण, मुलींचे शिक्षण, आरोग्य सुविधा, स्वयंसहायता गटांच्या माध्यमातून रोजगारनिर्मिती, तसेच शेतकरी महिलांसाठी विशेष योजना राबवणे हे आपले प्राधान्य असल्याचे त्यांनी सांगितले. नवनागपूर गटाचा विकास हा केवळ आकड्यांमध्ये नव्हे तर महिलांच्या जीवनमानात बदल घडवून आणणारा असावा, अशी भूमिका त्यांनी मांडली.
आज नवनागपूर जिल्हा परिषद गटाला पारंपरिक राजकारणापेक्षा संवेदनशील, अभ्यासू आणि सक्षम महिला नेतृत्वाची आवश्यकता आहे. अभ्यासू व सुशिक्षित महिला उमेदवारच नागरिकांचे प्रश्न प्रभावीपणे सोडवून गटाचा सर्वांगीण विकास करू शकते, असा ठाम विश्वास ऋतुजा जालिंदर कदम यांनी व्यक्त केला आहे.