रोटरी क्लब ऑफ इंडिया अहमदनगर इंटिग्रिटी तर्फे श्री बाणेश्वर विद्यालयास आदर्श शाळा पुरस्कार व विद्याविभूषण पुरस्कार प्रदान
निंबळक – रोटरी क्लब ऑफ इंडिया अहमदनगर इंटिग्रिटी यांच्यावतीने नाविन्यपूर्ण उपक्रम, स्वच्छता, आरोग्य, पर्यावरण रक्षण, गुणवत्तापूर्ण शिक्षण याकरिता बुऱ्हाणनगर येथील श्री बाणेश्वर माध्यमिक उच्च माध्यमिक विद्यालय बुऱ्हाणनगर या शाळेला आदर्श शाळा पुरस्कार २०२४ ने सन्मानित केले आहे. तसेच विद्यालयाचे प्राचार्य के.एम हापसे, एस.एस. शेळके यांना हा पुरस्कार प्रदान करण्यात आला.
त्याचप्रमाणे विद्यालयातील उपक्रमशील शिक्षक हर्षवर्धन शेळके यांना विद्याविभूषण या पुरस्काराने सन्मानित करण्यात आले.
याप्रसंगी शिक्षण संचालक दिनकर टेमकर, शिक्षणाधिकारी अशोक कडूस,
भारतीय जनता पार्टी युवा मोर्चाचे जिल्हाध्यक्ष अक्षय कर्डिले शिक्षणाधिकारी बुगे, मीनाताई जगधने रोटरी क्लबचे पदाधिकारी अध्यक्ष राजीव चिटगोपीकर, सचिव निखिल कुलकर्णी, रोटरी क्लबचे पदाधिकारी, संचालक मंडळ तसेच सांदिपानी अकॅडमीचे सर्व संचालक ही उपस्थित होते.
