मुस्लिम सेवा संघ नगर तालुका अध्यक्षपदी शहाजहान तांबोळी.

अहमदनगर –  नुकत्याच झालेल्या अहमदनगर जिल्ह्यातील तालुका  निवडीमध्ये सारोळा कासार तालुका नगर येथील सामाजिक कार्यकर्ते शहाजान तांबोळी सर यांची नगर तालुका मुस्लिम सेवा संघ पदी नियुक्ती झाली.  संघाचे जिल्हाध्यक्ष निसार राजे सय्यद त्याचप्रमाणे राष्ट्रीय अध्यक्ष फिरोज मामुलदार यांनी नियुक्त केली आहे.  सामाजिक कामांमध्ये सातत्याने तांबोळी यांचा सहभाग असतो. नगर तालुक्यातच नव्हे तर संपूर्ण जिल्ह्यात त्यांच्या कामाची ख्याती आहे. निस्वार्थ वृत्तीने काम करणारा व्यक्ती म्हणून त्यांची ओळख आहे. अहमदनगर जिल्हा ग्रामीण साहित्य संमेलन असो गावातील नवरात्र उत्सव शिवजयंती, भीम जयंती, पैगंबर जयंती तसेच गावातील अनेक शैक्षणिक सामाजिक सांस्कृतिक कार्यामध्ये त्यांचा सहभाग असतो.  जिल्ह्यात त्यांचा मोठा जनसंपर्क आहे त्यांचा निश्चितच संघास फायदा होईल. त्यांच्या निवडीमुळे सर्व गावातील ग्रामस्थ तसेच अहमदनगर जिल्ह्यातील सर्व मित्र प्रेमी नातेवाईक सर्वांनी त्यांना शुभेच्छा दिल्या