चंद्रकांत पवार, रोहिदास सोनवणे, कल्पना सोनवणे
अहमदनगर रोटरी क्लब ऑफ अहमदनगर प्रियदर्शनी यांचे वतीने जिल्ह्यातील गुणवंत शिक्षकांचा सन्मान दि.१ऑक्टोबर रोजी रोटरी क्लब्स ऑफ अहमदनगर प्रियदर्शनी यांचे वतीने साक्षरता प्रसार मोहिमेअंतर्गत जिल्ह्यातील पाच गुणवंत शिक्षकांचा सत्कार करण्यात आला .या शिक्षकांना नेशन बिल्डर अवॉर्ड 2023 हा पुरस्कार देऊन गौरविण्यात आले. यामध्ये नवनाथ विद्यालय निमगाव वाघा ता. नगर येथील आदर्श क्रीडा शिक्षक चंद्रकांत दशरथ पवार, वृद्धेश्वर हायस्कूल तिसगाव ता. पाथर्डी येथील रोहिदास रखमाजी सोनवणे, जिल्हा परिषद प्राथमिक शाळा जपकर वस्ती नेप्ती येथील प्राथमिक शिक्षिका कल्पना शरद सोनवणे यांचा पुरस्कार देऊन सन्मान करण्यात आला .हा कार्यक्रम अहमदनगर क्लब येथे घेण्यात आला होता .याप्रसंगी शिक्षण विस्तार अधिकारी जयश्री कार्ले, रोटरी क्लब्स ऑफ अहमदनगर प्रियदर्शनीच्या प्रेसिडेंट देवीका रेळे, धूत मॅडम, रोटरी क्लब्स ऑफ अहमदनगरचे डॉ. दादासाहेब करंजुले उपस्थित होते. या कार्यक्रम प्रसंगी जिल्ह्यातील दहा प्राथमिक शाळांना ग्रंथालय विकास योजनेअंतर्गत पुस्तके व रॅक भेट देण्यात आली या पुरस्कारार्थींचे सर्वातर्फे अभिनंदन करण्यात येत आहे.
