खो -खो सामन्यात निंबळक चा संघ विजयी

 खो -खो सामन्यात निंबळक चा संघ विजयी

अहमदनगर -तालुकास्तरीय खो-खो स्पर्धा रुई छत्तीशी येथे पार पडल्या. या स्पर्धेत 17 वर्षे वयोगट मुले व 17 वर्षे वयोगट मुली यांनी प्रथम क्रमांक मिळवून या संघांची जिल्हा पातळी निवड  झाली. तसेच 14 वर्षे वयोगट मुले व मुली हे दोन्ही संघ उपविजेते ठरले.तसेच वाचन प्रेरणा दिनानिमित्ताने घेण्यात आलेल्या निबंध व वक्तृत्व स्पर्धेत यशस्वी विद्यार्थ्यांचे कौतुक करण्यात आले. यानिमित्ताने या सर्व विद्यार्थ्यांचा सत्कार समारंभ संस्थेच्या व विद्यालयाच्या वतीने करण्यात आला. या कार्यक्रमाचे अध्यक्षस्थान संस्थेचे अध्यक्ष  नितीन कोतकर होते. कार्यक्रमाचे प्रास्तविक व अध्यक्षीय निवड विद्यालयाचे मुख्याध्यापक  कोतकर बी. एस. यांनी केले. याप्रसंगी संस्थेचे सचिव  गव्हाणे  संदिप कळसे, विद्यालयातील सर्व शिक्षक, शिक्षकेतर कर्मचारी उपस्थित होते.कार्यक्रमाचे सूत्रसंचालन  तोडमल सर, आभार कोतकर बी. ए. यांनी केले.