संतुकनाथ इंग्लिश विद्यालयाचे शिष्यवृत्ती परीक्षेत यश

जेऊर – येथील श्री संतुकनाथ इंग्लिश विद्यालयाने शिष्यवृत्ती परीक्षेत यशाची परंपरा कायम राखली आहे. पूर्व माध्यमिक शिष्यवृत्ती परीक्षा एकूण सतरा विद्यार्थी पात्र झाले, त्यापैकी दर्शन बेल्हेकर, सत्यम ससे, तुषार शिंदे या विद्यार्थ्यांनी जिल्हा गुणवत्ता यादी स्थान मिळविले. पूर्व उच्च प्राथमिक शिष्यवृत्ती परीक्षेत अकरा विद्यार्थी पात्र झाले. यशस्वी विद्यार्थ्यांना विभाग प्रमुख विजय चव्हाण, रमेश भांड, वर्षा भोईटे, विठ्ठल हजारे, वंदना क्षीरसागर, सुरेखा वाघ, युगंधरा पाडळे, मंगल कुदळ या शिक्षकांचे मार्गदर्शन लाभले. 

सर्व यशस्वी विद्यार्थी व मार्गदर्शक शिक्षक यांचे विद्यालयाचे प्राचार्य अमिरुद्दिन  सिद्दिकी, पर्यवेक्षिका रोहिणी भोर, स्थानिक स्कूल कमिटी व सल्लागार समिती अध्यक्ष व सदस्य यांनी अभिनंदन केले.