ज्यांना मतदारसंघातील गावे माहिती नाहीत ते काय विकास करणार – माजी आमदार राहुल जगताप…*
देविदास गोरे..
रुईछत्तिशी – ज्यांना मतदारसंघातील गावे माहिती नाहीत , जे इतरवेळी पुण्याला राहतात , जनतेच्या समस्या ज्यांना अजून समजल्याच नाहीत अशा व्यक्ती काय मतदारसंघाचा विकास करणार ! अशी मोजकी टीका माजी आमदार राहुल जगताप यांनी केली , रुईछत्तिशी येथील आयोजित प्रचार सभेत राहुल जगताप बोलत होते.आपण निवडून आल्यास सरकारला दुष्काळी भागाला पाणी देण्यासाठी प्रयत्न करणार असे जगताप म्हणाले.कार्यक्रमाचे प्रास्ताविक भरत भुजबळ यांनी केले.संदीप गोरे , विलास भांबरे यांनी युवा वर्गाच्या वतीने मनोगते व्यक्त केली. गावचे माजी सरपंच श्रीकांत जगदाळे सर यांनी देखील राहुल जगताप यांच्या पाठीशी पूर्णपणे उभा राहण्याचा विश्वास व्यक्त केला यावेळी गावातील रोहिदास जगदाळे , नाथ महाराज गोरे , लक्ष्मण जगदाळे , सुनील खाकाळ , नवनाथ गोरे , दिपक गोरे , संजय गोरे , अंबादास हजारे तसेच गावातील अनेक ग्रामस्थ उपस्थित होते.कार्यक्रमाच्या अध्यक्ष स्थानी माजी उपसरपंच बाळासाहेब खाकाळ होते.सर्व तरुणांनी राहुल जगताप यांना मोठे मताधिक्य मिळवून देण्याचा निर्धार व्यक्त केला.श्रीगोंदा तालुक्यातील जगताप यांच्या पाठीशी असणारी सर्व नेतेमंडळी यावेळी उपस्थित होती..
