रासप’चे शरदराव बाचकर यांचा राष्ट्रवादीत प्रवेश, शिवाजीराव कर्डिले यांच्या प्रचारात सक्रिय
राहुरी: राहुरी येथील राष्ट्रीय समाज पक्षाचे उत्तर महाराष्ट्र अध्यक्ष तथा जिल्हा मच्छीमार सहकारी संघाचे चेअरमन शरदराव बाचकर यांनी रासपच्या राजीनामा दिल्यानंतर कार्यकर्त्यांशी चर्चा करून राष्ट्रवादी अजित पवार गटामध्ये खा. सुनेत्राताई पवार यांच्या उपस्थितीत कार्यकर्त्यांसह प्रवेश केला आहे.
शरदराव बाचकर, शशिकांत मतकर, अनिताताई बागुल, संजय वाघमोडे, नारायणराव रोडे, आनंद देवकाते हे प्रमुख नेत्यांसह मोरे, कपिल लाटे, नितीन शहाणे, अशोक बाचकर, दीपक बाचकर, उत्कर्ष बाचकर, भारत हापसे, आदेश मतकर व अलकाताई पवार व असंख्य कार्यकर्त्यांसह राष्ट्रवादी काँग्रेसचे राष्ट्रीय अध्यक्ष, महाराष्ट्राचे उपमुख्यमंत्री अजित पवार यांच्या विचारांनी प्रेरित होऊन खा. सुनेत्राताई पवार, पार्थ पवार व राष्ट्रवादीचे प्रदेश युवक नेते अक्षय शिंदे यांच्या प्रमुख उपस्थितीत असंख्य कार्यकर्त्यांसह राष्ट्रवादी काँग्रेस पक्षात प्रवेश केला.
राहुरी विधानसभा मतदारसंघातील भाजपा व महायुतीचे उमेदवार शिवाजीराव कर्डिले यांना पाठिंबा जाहीर करत सर्व कार्यकर्त्यांनी कर्डिले यांना विजयी करण्यासाठी मैदानात उतरावे, असे आवाहन देखील बाचकर यांनी केले
